ЦУС, ЦУСАН БҮТЭЭГДЭХҮҮНИЙ ЗОХИСТОЙ ХЭРЭГЛЭЭ ЦУСЫН АЮУЛГҮЙ БАЙДАЛД ХЯНАЛТ, ҮНЭЛГЭЭ ХИЙСЭН ТАЙЛАН

2024.06.19

Нийслэлийн Эрүүл мэндийн газраас  3 жил тутам харъяа Эрүүл мэндийн байгууллагад Цусны аюулгүй байдал зохистой хэрэглээний дэмжлэгт үнэлгээг хийж хэвшсэн.

 Нийслэлийн эрүүл мэндийн газрын даргын 2024 оны А/72 дугаар тушаалаар  үнэлгээ хийх зорилго,  зорилт, хүлээгдэж байгаа үр дүн,  ажлын хэсгийн бүрэлдэхүүнийг  тусгасан удирдамжийг  батлуулж мөрдөж ажиллалаа.

Тус ажлын хэсэгт   Монголын Цус судлаач эмч нарын нийгэмлэгийн удирдах зөвлөлийн гишүүн, Альтернатив эмнэлгийн Эрүүл мэндийн тусламж, үйлчилгээний чанар, аюулгүй байдлын албаны дарга, зөвлөх зэргийн эмч Т. Алимаа, Эх нялхасын эрүүл мэндийн үндэсний төв эх, барих эмэгтэйчүүдийн эмнэлгийн эрчимт эмчилгээний тасгийн зөвлөл, Цусны нөөц зохицуулах нэгж хариуцсан эмч Б. Ганбилэг  нар орж 14 эрүүл мэндийн байгуулагад үнэлгээ хийж  ажилласан.

Хийсэн хугацаа:

2024 оны 05 дугаар сарын 28-ны өдрөөс 6 дугаар сарын 10 ны өдрүүдэд хяналт, үнэлгээг хийж гүйцэтгэлээ. 

Үнэлгээнд хамрагдсан байгууллагууд:

• Баянгол, Багануур, Налайх, Хан-Уул , Сонгинохайрхан Чингэлтэй дүүргийн Эрүүл мэндийн төв -6
• Баянүрх, Сүхбаатар, Хан-Уул , Сонгинохайрхан дүүргийн нэгдсэн эмнэлэг-4
• Амгалан, Өргөө, Хүрээ  амаржих газар
• Энэрэл  эмнэлэг  тус тус хамрагдсан.

 Үнэлгээг хийсэн чиглэл:

1. Цус сэлбэлтийг зохицуулах салбар зөвлөлийн үйл ажиллагаа
2. Цус цусан бүтээгдэхүүний нөөц зохицуулах нэгийн үйл ажиллагаа
3. Цус цусан бүтээгдэхүүний хадгалалт тээвэрлэлт
4. Цус сэлбэхийн өмнө хийгдэх лабораторийн шинжилгээ
5. Цус сэлбэх үйл ажилагаа
6. ЦЦБ-ний зохистой хэрэглээний байдал

Дэмжлэгт хяналтаар  ажлын хэсэг цус сэлбэх үйл ажиллагаанд оролцогч бүх талуудад зөвлөмжийг өгч мэргэжил арга зүйгээр хангасан. Үүнд:

. Цус сэлбэлтэнд оролцдог эмч, мэргэжилтэн:

• Цусны аюулгүй байдлыг хангах, цус цусан бүтээгдэхүүний зохистой хэрэглээ, цус сэлбэлтийн зөв дадлыг хэрэгжүүлэх чиглэлээр гарсан Эрүүл мэндийн сайдын болон байгууллагын даргын тушаалаар баталсан журам, заавартай бүрэн танилцах, мэдэх, чанд дагаж мөрдөх,
• Цус сэлбэлтэд оролцох ажил үүргийн хуваарь, цус сэлбэх багт ажиллах үүргээ мэдэж, хариуцлагаа ухамсарлан ажиллах
• Сургалт зохион байгуулахыг хүлээх биш өөрөө санаачлагатайгаар  мэдэээлэл авах арга хэрэгслийг ашиглах / онлайн, бусад/
• Баримтжуулсан баталсан, хүчин төгөлдөр баримт бичгийг үйл ажиллагаандаа мөрдөж хэвших
• Хийсэн үйлдэл ажилбар, ажиллагаа бүрийг бүрэн баримтжуулах /цаасан, цахим/ баталгаажуулах
• Мөрдөж байгаа баримт бичгээ хянаж, шаардлагатай өөрчлөлт шинэчлэлт хийхэд оролцох
• Тохиолдол, эрсдлийг илрүүлэх мэдлэг, ур чадварыг эзэмших, илрүүлсэн даруйд мэдээлэх, шалтгааныг тодорхойлох, засах, сэргийлэх үйл ажиллагаанд оролцох /тохиолдол, эрсдэл, сөрөг, урвал, хүндрэл/

Цус , цусан бүтээгдэхүүн  сэлбэх эмч нар:

• Цс сэлбэх заалтыг зөв гаргах – эмнэлзүйн болон лабораторийн нотолгоо
•  Үйлчүүлэгчээс цус цусан бүтээгдэхүүн сэлбэх зөвшөөрөл авахдаа гарч болзошгүй эрдсэл, хүндрэлийн талаар бүрэн, зөв тайлбарлаж өгөх
• Цус цусан бүтээгдхүүнийг  сэлбэхэд оновчтой зөв бүтээгдэхүүнийг зөв хэмжээгээр сонгох
• Өвчтөн, сэлбэх цус, цусан бүтээгдхүүнийг  танин тодруулах
• Цус, цусан бүтээгдэхүүнийг  үнэлж, шалгахдаа  заавар
• Бүлэг, биологийн тохироог зөв тодорхойлж, бүрэн баримтжуулах
• Сэлбэлтийг зааврын дагуу хянаж, бүрэн баримтжуулах
• Эмчилгээний үр дүнг эмнэлзүй, лабораторийн шинжилгээгээр нотлох өвчний түхэнд тэмдэглэх

Цус сэлбэлтэнд оролцох сувилагч, мэргэжилтэн:

• ЦЦБ сэлбэх заалт гарсан өвчтөн, сэлбэх бүтээгдэхүүнийг танин тодруулах, шалгах
• Шинжилгээний сорьц авч, хаяглах, тээвэрлэх
• ЦЦБ-ийг тасаг нэгжид зөв хадгалж, зөв харьцах
• ЦЦБ сэлбэх бэлтгэл ажлыг бүрэн хангах
• Сэлбэх өвчтөнг бэлтгэх
• Бүлэг, биологийн тохироо тодорхойлох
• Сэлбэлтийн явцыг хянаж, баримтжуулах
• Сэлбэсэн ЦЦБ зөв тэмдэглэж, хадгалан устгалд хүлээлгэн өгч баримтжуулах,Цус хариуцсан сувилагч нар сувилахуй болон сургалтын албатай хамтран сувилагч нар шинжилгээний сорьц авах, хаяглах, тээвэрлэх, өвчтөн танин тодруулах ЦЦБ тээвэрлэх, чанарыг шалгах, сэлбэх үед анхаарах ХХ хянах чиглэлээр сургалт зохион байгуулахад хамтарч ажиллах

Дэмжлэгт хяналт хийсний дараа Цус, цусан бүтээгдэхүүний зохиостой хэрэглээг төлөвшүүлэх талаар Үзүүлэх сургууль хийлээ

Дэмжлэгт хяналтын мөрөөр Сонгинохайрхан нэгдсэн эмнэлгийн “Цус, цусан бүтээгдэхүүний зохистой хэрэглээ, цусны аюулгүй байдлыг хангах талаар хэрэгжүүлсэн үйл ажиллагаа, түүний үр дүн”-г Нийслэлийн харьяа эрүүл мэндийн байгууллагын цус сэлбэх зөвлөлийн дарга, гишүүдэд танилцуулж, туршлагыг дэлгэрүүлэх зорилгоор НЭМГ-ын даргын баталсан удирдамж дагуу Туршлага судлах үйл ажиллагааг 2024 оны 06 дугаар сарын 18-ны өдрийн зохион байгуулсан.Уг арга хэмжээнд  Харьяа 9 дүүрэг, 4 нэгдсэн эмнэлэг, 3 амаржих газар, Энэрэл эмнэлгийн эрүүл мэндийн тусламж, үйлчилгээний чанар аюулгүй байдлын албаны дарга эсвэл менежер, цус сэлбэх салбар зөвлөлийн дарга, гишүүд, цусны нөөц зохицуулах нэгж хариуцсан эмч, сувилагч нийт 70 хүн оролцсон.

Тус үзүүлэх сургуулиар

1.Сонгинохайрхан нэгдсэн эмнэлгийн цус, цусан бүтээгдэхүүний зохистой хэрэглээ, цусны аюулгүй байдлыг хангах талаар хэрэгжүүлж байгаа үйл ажиллагаатай танилцсан.

2. Заавар  шинэчлэн батлах тухай” 2024 оны 06 дугаар сарын 03-ны өдрийн Эрүүл мэндийн сайдын А/256 дугаар тушаалыг танилцуулсан.

3 Зохилон тохиолдох өвчний үед цус, цусан бүтээгдэхүүнийг сэлбэхэд анхаарах асуудал, ЦСЗЗ, Цусны нөөц зохицуулах нэгжийн үйл ажиллагааны  талаар сургалт хийж мэргэжил арга зүйн зөвлөгөө өгсөн.

Мөн Ажлын хэсгээс

-Багануур, Налайх зэрэг алслагдсан дүүргийн Цусны салбар төвийн үйл ажиллагааны санхүүжилтийн талаар Цус сэлбэлт судлалын үндэсний төвийн дарга Н.Эрдэнэбаяр болон тус төвийн удирдлагын багтай уулзалт ярилцлага хийн  цусны салбар төвийг үйл ажиллагааны зарим зардлуудыг холбогдох хууль тогтоомжийн дагуу хэрхэн шийдвэрлэх Эрүүл мэндийн даатгалын гүйцэтгэлийн санхүүжилттэй холбоотой  лаборатори Цус сэлбэлт судлал, лабораторийн  өртөг тооцоог шинэчлэх бодит нотолгоонд үндэслэн  шийдвэрлэх ажлыг эхлүүлэхэд хамтран ажиллах талаар санал тавьсан.