ЭРҮҮЛ МЭНДИЙН ГАЗАР

ОРОН ТООНЫ БУС ШИНЖЭЭЧ СОНГОН ШАЛГАРУУЛАХ ТУХАЙ

Хуваалцах

ОРОН ТООНЫ БУС ШИНЖЭЭЧ СОНГОН ШАЛГАРУУЛАХ ТУХАЙ

Нийслэлийн Эрүүл мэндийн газраас Эрүүл мэндийн сайдын 2023 оны 11 дүгээр сарын 03-ны А/383, 11 дүгээр сарын 20-ний А/402 тушаалын хэрэгжилтийг хангахаар Эрүүл мэндийн чиглэлээр мэргэжлийн үйл ажиллагаа эрхлэх тусгай зөвшөөрөл шинээр хүсэх, сунгуулах, ажлын байр шилжин байрших зэрэгт бүрдүүлсэн баримт бичиг, ажлын байр нь холбогдох хууль, журам, салбарын сайдын тушаал, стандартын шаардлага хангаж буй эсэхэд хяналт, үнэлгээ хийн дүгнэлт гаргах чиг үүрэг бүхий ТУСГАЙ ЗӨВШӨӨРЛИЙН ОРОН ТООНЫ БУС ШИНЖЭЭЧ-ийн сонгон шалгаруулалтыг зарлаж байна.
 

ШИНЖЭЭЧИД ТАВИГДАХ ШААРДЛАГА:

  1. Монгол Улсын иргэн байх;
  2. Насны дээд хязгаар 65 нас;
  3. Анагаах ухаан болон бусад шаардлагатай мэргэжлийн чиглэлээр дээд боловсрол эзэмшсэн;
  4. Мэргэшлийн зэрэг эсхүл эрдмийн зэрэг цолтой;
  5. Тухайн мэргэжлээрээ 10 ба түүнээс дээш жил ажилласан байх;
  6. Компьютерийн хэрэглээний програм болон тусгай зөвшөөрлийн бүртгэл, мэдээллийн цахим програмыг бүрэн эзэмшсэн байх;
  7. Эрүүл мэндийн удирдлага, тусламж үйлчилгээний чанар аюулгүй байдал, тухайн мэргэжлийн чиглэлээр гадаад, дотоодод урт, богино хугацааны сургалтад хамрагдсан байх;
  8. Эрүүл мэндийн байгууллагын болон эм, эмнэлгийн хэрэгсэл, тоног төхөөрөмж, протез, лабораторийн урвалж, оношлуур үйлдвэрлэх, импортлох, ханган нийлүүлэх, худалдах, үйлчилгээ эрхлэх байгууллагын бүтэц, үйл ажиллагаанд үнэлгээ дүгнэлт өгөх ажлын дадлага, туршлагатай байх;
  9. Шинжээч өөрийн нэр дээр болон хамтарсан байдлаар тусгай зөвшөөрөл эзэмшдэггүй байх;
  10. Хууль, эрх зүйн мэдлэгтэй, бичиг баримт боловсруулах, хариуцлага хүлээх чадвартай байх;
  11. Эрүүгийн хариуцлага хүлээж байгаагүй байх;
  12. Ёс зүйн зөрчил гаргаагүй байх;
  13. Авлига ашиг сонирхлын зөрчилгүй байх.

БҮРДҮҮЛЭХ МАТЕРИАЛ:


1. Хувийн өргөдөл;
2. Төрийн албан хаагчийн анкет;
3. E-Mongolia цахим хуудаснаас авсан иргэний үнэмлэхний хуулбар;
4. Дээд боловсролын диплом, мэргэжлийн үнэмлэх, эрдмийн болон мэргэшлийн зэрэг, цолыг нотлох баримтын хуулбар

5. Ажил эрхэлдэг бол тухайн байгууллагын тодорхойлолт

6. Ашиг сонирхлын зөрчилгүй гэдгээ илэрхийлсэн мэдэгдэл (Улсын Их Хурлын Хууль зүйн байнгын хорооны 2012 оны 5 дугаар тогтоолын 4 дүгээр хавсралтаар баталсан маягт)

7. Ёс зүйн салбар хорооны тодорхойлолт

8. Иргэний, Эрүүгийн хариуцлага хүлээж байсан эсэх тухай тодорхойлолт

9. 3*4 хэмжээтэй 1 хувь цээж зураг

      Жич: Материалыг 2024 оны 01 дүгээр сарын 02-ны өдрийн 17.00 цаг хүртэл Нийслэлийн Эрүүл мэндийн газрын тусгай зөвшөөрлийн комиссын ажлын албанд ирүүлнэ үү.
        Хаяг: Чингэлтэй дүүрэг, 4-р хороо, Ж.Самбуугийн гудамж-16, Нийслэлийн засаг захиргааны III байр, 207 тоот өрөө
Сонгон шалгаруулалттай холбоотой мэдээллийг 77990101 /1/ дугаарын утсаар лавлана уу.

Бусад мэдээ